"CAROL BANAWA, HINDI NA AALIS SA DOS!"
          TIRSO PAGLICAWAN FROM SAKSI NGAYON

Hindi na matutuloy ang ang paglipat ni Carol Banawa sa
GMA mula sa Dos. Nairereklamo kasi ni Carol noon na
sa gitna ng tagumpay niya sa pag-awit, malaking bahagi
siya ng "Tanging Yaman" na kumanta ng theme song, hit
ang kanyang "Little Mermaid", tagumpay rin siya sa
sinaslihang singing contest abroad, parang hindi siya
gaanong pinapansin ng ABS-CBN. Bibigyan ng bagong
break si Carol sa telebisyon at hindi 'yung nakikita
lang siya sa ASAP. Siguro, natauhan ang Dos at
napag-isipan nilang sayang naman kung sa kanila
nagsimula si Carol, tapos, pakikinabangan lang ng
ibang istasyon. Maganda ang boses ni Carol, may
pagkakawangki sa tinig ni Lea Salonga, pansin ng
marami. Gumigimik lang kaya si Carol nang sabihin
niyang lilipat na siya sa Siyete kaya nabahala ang
Dos? "Hindi, bakit ako gigimik?", sabi niya. "Pero
ngayong may malaki palang plano sa akin ang Dos, bakit
pa ako aalis?".